زواجيات :-))
قبل 7 أعوام
.jpg)
.jpg)
My Blog List
|
من أنا
|
| يوم الجمعه | 12:02 م |
|
التعليقات (1)
Filed under:
|
|
بقالى فتره طويله ماكتبتش فى البلوج بتاعى
بس النهارده حسيت انى عاوزه اكتب فيه وحشنى اوى احساس الكتابه
ايا كان
انا كنت بضايق اوى لما كنت انزل الروح الكليه يوم الجمعه
ماكنتش بشوف فى الشارع حد غيري انا والطوارق(القطط والكلاب الضاله)
بس الوضع اختلف اوى لما بقيت اشتغل احيانا فى يوم الجمعه
مابقيتش احس بنفس الاحساس بالعكس بقى النهارده يوم الجمعه كان غير كل يوم
اول مره اخد بالى من شكل الناس وهى بتغسل الجوامع وتدعك فى السيراميك اللى بره وجوه
انا كنت حاسه الجوامع سعيده اوى النهارده
الجو كان دافى وكان يوم فى البدايه مشمس
وسمعت فيه حاجه غريبه اوى
انا كنت نازله من بيتنا وسمعت واحده بتصوت بأعلى صوتها
كانت حزينه على ميت طبعا ده مش صح بس الموقف بيحزن اكيد
الشئ اللى كان غريب بالنسبه ليا انى للحظه انها قدرت تعمل حاجه عمرى ماعملتها
قدرت تصوت تصرخ تعبر عن مشاعرها بكل وضوح
صرخت فى وسط الشارع بأعلى صوتها ومحدش منعها الحقيقه ماكنش في حد فى الشارع غيري
كان الشارع ساكت
المره الجايه فى حياتى هحاول اعمل الامور بالشكل اللى انا عاوزاه وهحاول اتمسك بكل حاجه
بس النهارده حسيت انى عاوزه اكتب فيه وحشنى اوى احساس الكتابه
ايا كان
انا كنت بضايق اوى لما كنت انزل الروح الكليه يوم الجمعه
ماكنتش بشوف فى الشارع حد غيري انا والطوارق(القطط والكلاب الضاله)
بس الوضع اختلف اوى لما بقيت اشتغل احيانا فى يوم الجمعه
مابقيتش احس بنفس الاحساس بالعكس بقى النهارده يوم الجمعه كان غير كل يوم
اول مره اخد بالى من شكل الناس وهى بتغسل الجوامع وتدعك فى السيراميك اللى بره وجوه
انا كنت حاسه الجوامع سعيده اوى النهارده
الجو كان دافى وكان يوم فى البدايه مشمس
وسمعت فيه حاجه غريبه اوى
انا كنت نازله من بيتنا وسمعت واحده بتصوت بأعلى صوتها
كانت حزينه على ميت طبعا ده مش صح بس الموقف بيحزن اكيد
الشئ اللى كان غريب بالنسبه ليا انى للحظه انها قدرت تعمل حاجه عمرى ماعملتها
قدرت تصوت تصرخ تعبر عن مشاعرها بكل وضوح
صرخت فى وسط الشارع بأعلى صوتها ومحدش منعها الحقيقه ماكنش في حد فى الشارع غيري
كان الشارع ساكت
المره الجايه فى حياتى هحاول اعمل الامور بالشكل اللى انا عاوزاه وهحاول اتمسك بكل حاجه
| رصيد مدخر | 3:54 م |
|
Filed under:
|
|
انا عايشه على امل ان كل الحاجات اللى بتضايقنى وبتخلينى فى قمه الحزن
بكره هتتحول لفرح وانها عباره عن رصيد مدخر للايام السعيده الجايه
انا عارفه ان فى ناس عندها امراض وحشه وناس مش لاقين مكان يسكنوا فيه وناس كتير
عندها الالام وهموم رهيبه ربنا يصبرهم
اللهم اجرنى فى مصيبتى خيرا واخلفنى خيرا منها
اللهم انا نسألك ان ترد عنا سوء المقادير
بكره هتتحول لفرح وانها عباره عن رصيد مدخر للايام السعيده الجايه
انا عارفه ان فى ناس عندها امراض وحشه وناس مش لاقين مكان يسكنوا فيه وناس كتير
عندها الالام وهموم رهيبه ربنا يصبرهم
اللهم اجرنى فى مصيبتى خيرا واخلفنى خيرا منها
اللهم انا نسألك ان ترد عنا سوء المقادير
| الحد الادنى1 | 3:07 م |
|
Filed under:
|
|
ثقافه الحد الادنى هى ثقافه شائعه في مجتمعنا
يعنى مثلا الحجاب بتاعنا ممكن نعتبره الحد الادنى
الحد الادنى من الاجور
الحد الادنى من الضمير في الشغل
بس انا قررت انى اختار الحد الادنى من الصفات الشخصيه عشان اتكلم عنه
جه عليه فتره كنت بختار ايه الشكل اللى المفروض تكون عليه شخصيه اي فرد
طبعا ده فكر خاطئ
بس لو طبقنا سياسه الحد الادنى
هنلاقى ان في ناس كتير كويسين حوالينا
ده خلانى افكر ان في ميزات الشخص بيكتسبها
ودى بتكون المقياس اللى بتميز اى شخص عن التانى
وباعتبار ان مافيش حد مافيهوش غلطه
هنقول ان الصفات الكويسه هى اللى هتزيد بس الصفات السيئه هتفضل موجوده
الفكره دى غلط
لانى اكتشفت ان في ناس حواليان ماعندهومش الحد الادنى اللى بتكلم عنه
بمعنى انى شوفت ناس انانيه اوى او متوتره زياده عن اللزوم
ولاقيت ان الحد الادنى اللى بفكر فيه
مش دايما موجود عند كل الناس
واللى موجود عندهم الحد الادنى ده يشكروا انهم بيمتلكوه
بس ليه دايما بنحاول نختار الحد الادنى
فين الصفات الكويسه اللى المفروض نتحلى بيها
فين تحسين الذات
هل ياتري الشخص لازم يكون مميز في حاجه
ولامش شرط
وهل الحد الادنى ده شييء نفخر بيه ولا لا
صراحه الحكايه دى شغلتنى اوى
لانى فكرت كتير انى اتغير وان الشخص يغير في شخصيته
دى حاجه سهله
بس ياتري هنتغير لايه وهل الحاجات اللى هنتغير عشانها تستحق ولا لا
وياتري التغير ده هيجى على حاجات تانيه
مش عارفه
بس في حاجات فعلا لما بنتغير للاحسن بنفقدها
رغم انها بتكون كويسه
ايا كان ده بلوجى ولو محدش فهم حاجه مش اشكال
يبقى يسأل لو مهتم انه يفهم
يعنى مثلا الحجاب بتاعنا ممكن نعتبره الحد الادنى
الحد الادنى من الاجور
الحد الادنى من الضمير في الشغل
بس انا قررت انى اختار الحد الادنى من الصفات الشخصيه عشان اتكلم عنه
جه عليه فتره كنت بختار ايه الشكل اللى المفروض تكون عليه شخصيه اي فرد
طبعا ده فكر خاطئ
بس لو طبقنا سياسه الحد الادنى
هنلاقى ان في ناس كتير كويسين حوالينا
ده خلانى افكر ان في ميزات الشخص بيكتسبها
ودى بتكون المقياس اللى بتميز اى شخص عن التانى
وباعتبار ان مافيش حد مافيهوش غلطه
هنقول ان الصفات الكويسه هى اللى هتزيد بس الصفات السيئه هتفضل موجوده
الفكره دى غلط
لانى اكتشفت ان في ناس حواليان ماعندهومش الحد الادنى اللى بتكلم عنه
بمعنى انى شوفت ناس انانيه اوى او متوتره زياده عن اللزوم
ولاقيت ان الحد الادنى اللى بفكر فيه
مش دايما موجود عند كل الناس
واللى موجود عندهم الحد الادنى ده يشكروا انهم بيمتلكوه
بس ليه دايما بنحاول نختار الحد الادنى
فين الصفات الكويسه اللى المفروض نتحلى بيها
فين تحسين الذات
هل ياتري الشخص لازم يكون مميز في حاجه
ولامش شرط
وهل الحد الادنى ده شييء نفخر بيه ولا لا
صراحه الحكايه دى شغلتنى اوى
لانى فكرت كتير انى اتغير وان الشخص يغير في شخصيته
دى حاجه سهله
بس ياتري هنتغير لايه وهل الحاجات اللى هنتغير عشانها تستحق ولا لا
وياتري التغير ده هيجى على حاجات تانيه
مش عارفه
بس في حاجات فعلا لما بنتغير للاحسن بنفقدها
رغم انها بتكون كويسه
ايا كان ده بلوجى ولو محدش فهم حاجه مش اشكال
يبقى يسأل لو مهتم انه يفهم
| wops i did it again | 12:40 م |
|
Filed under:
|
|
لو تخيلنا مثلا ان في كومه حاجات مرصوصه فوق بعض
ويجى شخص ذكى يسحب حاجه من النص
فالكومه كلها تقع فوقيه وهو يبتسم ابتسامه غريبه!!!!!
انا دايما بكون الشخص ده
مزعجه اعترف بحب النعكشه جدا مش اشكال
ساعات بالليل الساعه اتنين كده اقوم اسرح شعري اخرج البلكونه
احس الهواء وابص للقمر وافرح اووووووى
واجري على طراطيف صوابعى وانا حافيه واقعد على كرسى مريح
واقرأ قصه قريتها خمسين مره عشان اعيد قرايه جمله معينه عجبانى
مش اشكال بالنسبه ليه انى اكون متأخره في الشارع بجري
بس احب اوى اشوف حد هو كمان مستعجل واعمل سباق خفى معاه
واتبسط اوى لما افوز ......... مره عملتها مع بنوته وخدت بالها وقطعت نفسى
احساس حلو الجنون
عاده بمشى بسرعه بتشنكل كتير وهبقى هقع خلاص مره وقعت في
بركه طين في وسط الشارع ماهمنيش كملت مشى ولا كأن حاجه حصلت
يمكن بتشنكل كتير بس بحاول اقوم دايما
في ناس كتير شيفانى طيبه زياده عن اللزوم او عبيطه مش اشكال
عاطفيه جدا جدا مشكلتى ورومانسيه لدرجه الثماله
محدش يقنعنى ان الرقص فوق السحاب وجنب القمر ده مش هيبقى حقيقى
ليه
لما حد بيشوفنى بطريقه وحشه ببقى عارفه ان ده لانه بيحب يشوف الناس بالطريقه دى
اكيد لما الموضوع يستلزم العقل بفكر بعقلى
بس لحد ما ده يجى هستمتع بجنونى وعبثى والفوضى اللى بصنعها
هستمتع بكونى طفله مدللة مزعجه احيانا
وبستمتع اكتر بكونى ......انا
ويجى شخص ذكى يسحب حاجه من النص
فالكومه كلها تقع فوقيه وهو يبتسم ابتسامه غريبه!!!!!
انا دايما بكون الشخص ده
مزعجه اعترف بحب النعكشه جدا مش اشكال
ساعات بالليل الساعه اتنين كده اقوم اسرح شعري اخرج البلكونه
احس الهواء وابص للقمر وافرح اووووووى
واجري على طراطيف صوابعى وانا حافيه واقعد على كرسى مريح
واقرأ قصه قريتها خمسين مره عشان اعيد قرايه جمله معينه عجبانى
مش اشكال بالنسبه ليه انى اكون متأخره في الشارع بجري
بس احب اوى اشوف حد هو كمان مستعجل واعمل سباق خفى معاه
واتبسط اوى لما افوز ......... مره عملتها مع بنوته وخدت بالها وقطعت نفسى
احساس حلو الجنون
عاده بمشى بسرعه بتشنكل كتير وهبقى هقع خلاص مره وقعت في
بركه طين في وسط الشارع ماهمنيش كملت مشى ولا كأن حاجه حصلت
يمكن بتشنكل كتير بس بحاول اقوم دايما
في ناس كتير شيفانى طيبه زياده عن اللزوم او عبيطه مش اشكال
عاطفيه جدا جدا مشكلتى ورومانسيه لدرجه الثماله
محدش يقنعنى ان الرقص فوق السحاب وجنب القمر ده مش هيبقى حقيقى
ليه
لما حد بيشوفنى بطريقه وحشه ببقى عارفه ان ده لانه بيحب يشوف الناس بالطريقه دى
اكيد لما الموضوع يستلزم العقل بفكر بعقلى
بس لحد ما ده يجى هستمتع بجنونى وعبثى والفوضى اللى بصنعها
هستمتع بكونى طفله مدللة مزعجه احيانا
وبستمتع اكتر بكونى ......انا
| ناس بنعرفهم | 1:39 م |
|
Filed under:
|
|
في حياتنا ناس بنعرفهموناس بنقابلهم وناس مش بنشوفهم بس بنحسهم
كنت زمان بقول انا مش محتاجه اعرف حد تانى
اصحابى مالين عليا الدنيا
بس اكتشفت انى غلط
شخص واحد ممكن يغير الحياه
لما تكون مخنوق اوي وعاوز حد
وفجأه تلاقيه ظهر بيقولك انت مش
شرير اوي انت كويس
يديك دفعه للامام
شخص تانى يطمنك يقولك ربنا هيقف جنبك
ما تخافش ان مع العسر يسر
وتلاقيه بيطبطب عليك
ويقولك كل شئ هيبقى كويس
شخص يحبك من غير ما تعرفه
يظن فيك كل خير
يشاركك في خيالك يقولك
انا بس حبيتك لما قريت كلامك
شخص يقولك احنا هنبقى اصحاب
من غير ما تعرفه
تلاقيه قرب منك ويشكيلك همه
ويسألك مالك
شخص يقتحم حياتك
يغيرلك كل حاجه وفهمك للامور
ناس تحببك في التدين
في الثقافه في الشعر
ناس تحس معاهم بالعقل
وناس بالجنون
لما تعرف الناس تعرف ان الاحكام المسبقه غلط
ان لازم تثق في الخير اللى في الناس
قالوا زمان معرفه الناس كنوز
اول مره اعرف الحكايه دى واصدقها
انا بجد سعيده جدا
انى اتعرفت على اشخاص رائعين
فهمونى ان الدنيا في حاجات كتير
مش مقتصره بس
على حدود مملكتى الضيقه
اتعلمت منهم
انى اؤمن بقدراتى
واحاول اطور نفسى
لو اخطأت ممكن اتصلح
اتطور
على فكره انا اكيد بتكلم عن كل واحد فيكم
بجد شكرا جدا
لانى عرفت ناس كويسه
زيكم وزيهم
بالهنا والشفا| حقيقه اللى حصل | 2:48 م |
|
Filed under:
|
|
حقيقه اللى حصل كانت غريبه جدا
كانت محاضره اناليتيكال وانا مش فاهمه حاجه
والدكتوره نطقها عجيب
وفجأه نزلت كائنات فضائيه خطفت الدكتوره
والمدرج كله فرح وانا ضحكت ضحكه هستيريه شريره
نياهاهاهاها
بس بصراحه حقيقه اللى حصل مش كده
ده دخل فرقه مسلحه وخطفوا الدكتوره
والمدرج هيص
وانا ضحكت ضحكه هستيريه شريره
نياهاهاهاهاهاهاها
بس بصراحه حقيقه اللى حصل مش كده
دول الطلبه هاجوا عليها وفضلوا يحدفوها بالكتب
وكانت كتب الاناليتيكال عشان بتوجع
وانا كنت بضحك ضحكه هستيريه شريره
نياهاهاهاهاهاها
بس بصراحه حقيقه اللى حصل مش كده
انا كنت قاعده وطلعت الريموت كونترول
وعملتلها قطع صوت
وهى لقيت صوتها راح
وبتتكلم بس ما فيش صوت
وضحكت ضحكه هستيريه شريره
نياهاهاهاهاهاها
حقيقه اللى حصل انا مش قادره احددها لغايه دلوقتى
بس انا متأكده
انى صحيت من النوم على اخر المحاضره
نياهاهاهاهاهاهاه
(طب ليه الضحكه الهستيريه الشريره دى)
-تمت-
كانت محاضره اناليتيكال وانا مش فاهمه حاجه
والدكتوره نطقها عجيب
وفجأه نزلت كائنات فضائيه خطفت الدكتوره
والمدرج كله فرح وانا ضحكت ضحكه هستيريه شريره
نياهاهاهاها
بس بصراحه حقيقه اللى حصل مش كده
ده دخل فرقه مسلحه وخطفوا الدكتوره
والمدرج هيص
وانا ضحكت ضحكه هستيريه شريره
نياهاهاهاهاهاهاها
بس بصراحه حقيقه اللى حصل مش كده
دول الطلبه هاجوا عليها وفضلوا يحدفوها بالكتب
وكانت كتب الاناليتيكال عشان بتوجع
وانا كنت بضحك ضحكه هستيريه شريره
نياهاهاهاهاهاها
بس بصراحه حقيقه اللى حصل مش كده
انا كنت قاعده وطلعت الريموت كونترول
وعملتلها قطع صوت
وهى لقيت صوتها راح
وبتتكلم بس ما فيش صوت
وضحكت ضحكه هستيريه شريره
نياهاهاهاهاهاها
حقيقه اللى حصل انا مش قادره احددها لغايه دلوقتى
بس انا متأكده
انى صحيت من النوم على اخر المحاضره
نياهاهاهاهاهاهاه
(طب ليه الضحكه الهستيريه الشريره دى)
-تمت-
الاشتراك في:
الرسائل (Atom)