Dissertation times
قبل عام واحد
.jpg)
.jpg)
My Blog List
|
من أنا
|
| wops i did it again | 12:40 م |
|
التعليقات (13)
Filed under:
|
|
لو تخيلنا مثلا ان في كومه حاجات مرصوصه فوق بعض
ويجى شخص ذكى يسحب حاجه من النص
فالكومه كلها تقع فوقيه وهو يبتسم ابتسامه غريبه!!!!!
انا دايما بكون الشخص ده
مزعجه اعترف بحب النعكشه جدا مش اشكال
ساعات بالليل الساعه اتنين كده اقوم اسرح شعري اخرج البلكونه
احس الهواء وابص للقمر وافرح اووووووى
واجري على طراطيف صوابعى وانا حافيه واقعد على كرسى مريح
واقرأ قصه قريتها خمسين مره عشان اعيد قرايه جمله معينه عجبانى
مش اشكال بالنسبه ليه انى اكون متأخره في الشارع بجري
بس احب اوى اشوف حد هو كمان مستعجل واعمل سباق خفى معاه
واتبسط اوى لما افوز ......... مره عملتها مع بنوته وخدت بالها وقطعت نفسى
احساس حلو الجنون
عاده بمشى بسرعه بتشنكل كتير وهبقى هقع خلاص مره وقعت في
بركه طين في وسط الشارع ماهمنيش كملت مشى ولا كأن حاجه حصلت
يمكن بتشنكل كتير بس بحاول اقوم دايما
في ناس كتير شيفانى طيبه زياده عن اللزوم او عبيطه مش اشكال
عاطفيه جدا جدا مشكلتى ورومانسيه لدرجه الثماله
محدش يقنعنى ان الرقص فوق السحاب وجنب القمر ده مش هيبقى حقيقى
ليه
لما حد بيشوفنى بطريقه وحشه ببقى عارفه ان ده لانه بيحب يشوف الناس بالطريقه دى
اكيد لما الموضوع يستلزم العقل بفكر بعقلى
بس لحد ما ده يجى هستمتع بجنونى وعبثى والفوضى اللى بصنعها
هستمتع بكونى طفله مدللة مزعجه احيانا
وبستمتع اكتر بكونى ......انا
ويجى شخص ذكى يسحب حاجه من النص
فالكومه كلها تقع فوقيه وهو يبتسم ابتسامه غريبه!!!!!
انا دايما بكون الشخص ده
مزعجه اعترف بحب النعكشه جدا مش اشكال
ساعات بالليل الساعه اتنين كده اقوم اسرح شعري اخرج البلكونه
احس الهواء وابص للقمر وافرح اووووووى
واجري على طراطيف صوابعى وانا حافيه واقعد على كرسى مريح
واقرأ قصه قريتها خمسين مره عشان اعيد قرايه جمله معينه عجبانى
مش اشكال بالنسبه ليه انى اكون متأخره في الشارع بجري
بس احب اوى اشوف حد هو كمان مستعجل واعمل سباق خفى معاه
واتبسط اوى لما افوز ......... مره عملتها مع بنوته وخدت بالها وقطعت نفسى
احساس حلو الجنون
عاده بمشى بسرعه بتشنكل كتير وهبقى هقع خلاص مره وقعت في
بركه طين في وسط الشارع ماهمنيش كملت مشى ولا كأن حاجه حصلت
يمكن بتشنكل كتير بس بحاول اقوم دايما
في ناس كتير شيفانى طيبه زياده عن اللزوم او عبيطه مش اشكال
عاطفيه جدا جدا مشكلتى ورومانسيه لدرجه الثماله
محدش يقنعنى ان الرقص فوق السحاب وجنب القمر ده مش هيبقى حقيقى
ليه
لما حد بيشوفنى بطريقه وحشه ببقى عارفه ان ده لانه بيحب يشوف الناس بالطريقه دى
اكيد لما الموضوع يستلزم العقل بفكر بعقلى
بس لحد ما ده يجى هستمتع بجنونى وعبثى والفوضى اللى بصنعها
هستمتع بكونى طفله مدللة مزعجه احيانا
وبستمتع اكتر بكونى ......انا
| ناس بنعرفهم | 1:39 م |
|
Filed under:
|
|
في حياتنا ناس بنعرفهموناس بنقابلهم وناس مش بنشوفهم بس بنحسهم
كنت زمان بقول انا مش محتاجه اعرف حد تانى
اصحابى مالين عليا الدنيا
بس اكتشفت انى غلط
شخص واحد ممكن يغير الحياه
لما تكون مخنوق اوي وعاوز حد
وفجأه تلاقيه ظهر بيقولك انت مش
شرير اوي انت كويس
يديك دفعه للامام
شخص تانى يطمنك يقولك ربنا هيقف جنبك
ما تخافش ان مع العسر يسر
وتلاقيه بيطبطب عليك
ويقولك كل شئ هيبقى كويس
شخص يحبك من غير ما تعرفه
يظن فيك كل خير
يشاركك في خيالك يقولك
انا بس حبيتك لما قريت كلامك
شخص يقولك احنا هنبقى اصحاب
من غير ما تعرفه
تلاقيه قرب منك ويشكيلك همه
ويسألك مالك
شخص يقتحم حياتك
يغيرلك كل حاجه وفهمك للامور
ناس تحببك في التدين
في الثقافه في الشعر
ناس تحس معاهم بالعقل
وناس بالجنون
لما تعرف الناس تعرف ان الاحكام المسبقه غلط
ان لازم تثق في الخير اللى في الناس
قالوا زمان معرفه الناس كنوز
اول مره اعرف الحكايه دى واصدقها
انا بجد سعيده جدا
انى اتعرفت على اشخاص رائعين
فهمونى ان الدنيا في حاجات كتير
مش مقتصره بس
على حدود مملكتى الضيقه
اتعلمت منهم
انى اؤمن بقدراتى
واحاول اطور نفسى
لو اخطأت ممكن اتصلح
اتطور
على فكره انا اكيد بتكلم عن كل واحد فيكم
بجد شكرا جدا
لانى عرفت ناس كويسه
زيكم وزيهم
بالهنا والشفا| حقيقه اللى حصل | 2:48 م |
|
Filed under:
|
|
حقيقه اللى حصل كانت غريبه جدا
كانت محاضره اناليتيكال وانا مش فاهمه حاجه
والدكتوره نطقها عجيب
وفجأه نزلت كائنات فضائيه خطفت الدكتوره
والمدرج كله فرح وانا ضحكت ضحكه هستيريه شريره
نياهاهاهاها
بس بصراحه حقيقه اللى حصل مش كده
ده دخل فرقه مسلحه وخطفوا الدكتوره
والمدرج هيص
وانا ضحكت ضحكه هستيريه شريره
نياهاهاهاهاهاهاها
بس بصراحه حقيقه اللى حصل مش كده
دول الطلبه هاجوا عليها وفضلوا يحدفوها بالكتب
وكانت كتب الاناليتيكال عشان بتوجع
وانا كنت بضحك ضحكه هستيريه شريره
نياهاهاهاهاهاها
بس بصراحه حقيقه اللى حصل مش كده
انا كنت قاعده وطلعت الريموت كونترول
وعملتلها قطع صوت
وهى لقيت صوتها راح
وبتتكلم بس ما فيش صوت
وضحكت ضحكه هستيريه شريره
نياهاهاهاهاهاها
حقيقه اللى حصل انا مش قادره احددها لغايه دلوقتى
بس انا متأكده
انى صحيت من النوم على اخر المحاضره
نياهاهاهاهاهاهاه
(طب ليه الضحكه الهستيريه الشريره دى)
-تمت-
كانت محاضره اناليتيكال وانا مش فاهمه حاجه
والدكتوره نطقها عجيب
وفجأه نزلت كائنات فضائيه خطفت الدكتوره
والمدرج كله فرح وانا ضحكت ضحكه هستيريه شريره
نياهاهاهاها
بس بصراحه حقيقه اللى حصل مش كده
ده دخل فرقه مسلحه وخطفوا الدكتوره
والمدرج هيص
وانا ضحكت ضحكه هستيريه شريره
نياهاهاهاهاهاهاها
بس بصراحه حقيقه اللى حصل مش كده
دول الطلبه هاجوا عليها وفضلوا يحدفوها بالكتب
وكانت كتب الاناليتيكال عشان بتوجع
وانا كنت بضحك ضحكه هستيريه شريره
نياهاهاهاهاهاها
بس بصراحه حقيقه اللى حصل مش كده
انا كنت قاعده وطلعت الريموت كونترول
وعملتلها قطع صوت
وهى لقيت صوتها راح
وبتتكلم بس ما فيش صوت
وضحكت ضحكه هستيريه شريره
نياهاهاهاهاهاها
حقيقه اللى حصل انا مش قادره احددها لغايه دلوقتى
بس انا متأكده
انى صحيت من النوم على اخر المحاضره
نياهاهاهاهاهاهاه
(طب ليه الضحكه الهستيريه الشريره دى)
-تمت-
| دائره الثقه | 2:26 م |
|
Filed under:
|
|
حقيقه غريبه اوي ان احنا مش نقدر نعيش من غير ما نثق في حد
واحده زمان قالت احنا ليه بنثق في الناس رغم انهم ممكن يجرحونا
قلت احنا مش بنثق فيهم عشان هما يستحقوا الثقه
لا عشان احنا محتاجين حد نثق فيه
بس لما فكرت لقيت احتمالات كتير اوي
ساعات بندخل ناس بسرعه لدايره الثقه ولما بيجرحونا بنخرجهم منها
وطبيعى زي ما جرحونا بيجرحوا ناس تانيه وبرضه بيخرجوا من دايرتهم
لحد ما في النهايه بيفضلوا اسري دايره ثقتهم الشخصيه لوحدهم
لا بيثقوا في حد ولا حد بيثق فيهم
اسوار من الوحده والعزله هما اللى بنوها واتسببوا فيها
وفى ناس بندخلهم دايرتنا بس مش بيدخلونا دايرتهم
بيفضلوا عاملين حاجز محدش بيقدر يجرحنا قدهم
ولا يكسر قلبنا زيهم بس هما اكيد هيقضوا لحظات صعبه
لانهم مش صرحا مع نفسهم بيخافوا من كل حاجه مش هيعرفوا يحسوا
بلذه القرب من الناس
وفى ناس بندخل دايرتهم وبيدخلو دايرتنا
وبنفضل للابد معاهم نثق فيهم ونحبهم ونرعاهم
بنحاول دايما نقرب منهم مهما الحياه كانت صعبه
اعتقد ان هما دول الناس اللى نستحق ان احنا نعرفهم
وان احنا نهتم بيهم
لا عمرهم هيفهموا غلط ولا هيفسروا الاهتمام بتاعنا ليهم
غلط
اكيد هيعرفوا واكيد هيهتموا بينا زي ما بتهتم بيهم
لان في النهايه كل الاشخاص اللى مش نعرفهم اوي بيمشوا
وبيتبقى الناس اللى في
دائره الثقه
| شريط ستان | 12:46 م |
|
Filed under:
|
|
شريط ستان ممكن حد يكون مش فاهم يعنى ايه
كان ممكن اختار اسم
اوضح اواجمل او بيعبر عن المرح اللى بكون عليه دايما
بس الحقيقه شريط ستان هو الماضى والحاضر والمستقبل
شريط الستان بيرجعنى للزمن ورا
لما كانت ماما تعمل لى ضفيره في شعري وتربطها بشريط ستان
لما كنت اطير طياره في ذيلها شريط ستان والهواء يمرح بمداعبته
شريط ستان احمر كانت لمستى المميزه لطقم البريزينتاشن
شريط ستان في فستان الفرح ليه او لاختى لمستى المستقبليه
قمه الرقه والعذوبه والجمال
حاجات بسيطه اوي بتخلينا مختلفين
بتحسسنا بالجمال
شريط ستان هو المجهول اللى مستنياه يكون كويس
لما الهوا بيطيره بحس انى بطير معاه
لا بعرف هو هياخدنى لفين ولا عاوزه اعرف
المهم اوصل
عشان كده القصه لازم تبدأ وتنتهى
بشريط ستان
كان ممكن اختار اسم
اوضح اواجمل او بيعبر عن المرح اللى بكون عليه دايما
بس الحقيقه شريط ستان هو الماضى والحاضر والمستقبل
شريط الستان بيرجعنى للزمن ورا
لما كانت ماما تعمل لى ضفيره في شعري وتربطها بشريط ستان
لما كنت اطير طياره في ذيلها شريط ستان والهواء يمرح بمداعبته
شريط ستان احمر كانت لمستى المميزه لطقم البريزينتاشن
شريط ستان في فستان الفرح ليه او لاختى لمستى المستقبليه
قمه الرقه والعذوبه والجمال
حاجات بسيطه اوي بتخلينا مختلفين
بتحسسنا بالجمال
شريط ستان هو المجهول اللى مستنياه يكون كويس
لما الهوا بيطيره بحس انى بطير معاه
لا بعرف هو هياخدنى لفين ولا عاوزه اعرف
المهم اوصل
عشان كده القصه لازم تبدأ وتنتهى
بشريط ستان
الاشتراك في:
الرسائل (Atom)